ഏപ്രില് എട്ട് തിങ്കളാഴ്ച്ചയാണ് സമ്പൂര്ണ സൂര്യഗ്രഹണമുണ്ടാവുക. നോര്ത്ത് അമേരിക്കയില് പൂര്ണമായും ഈ ഗ്രഹണം ദൃശ്യമാകും. കാനഡയിലും മെക്സിക്കോയിലും ഇവ കാണാനാവും. സൗത്ത് പസഫിക് സമുദ്രത്തിന്റെ ഭാഗത്ത് നിന്നാണ് സമ്പൂര്ണ സൂര്യഗ്രഹണം ആരംഭിക്കുകയെന്ന് നാസ പറയുന്നു. ഈ ഭാഗത്തുള്ളവര്ക്ക് സൂര്യന് ചന്ദ്രന്റെ നിഴലിലേക്ക് പതിയെ നീങ്ങുന്നത് പൂര്ണമായും കാണാനാവും.
മൂന്ന് മുതല് നാല് മിനുട്ട് വരെയാണ് ഈ ഗ്രഹണം ദര്ശിക്കാനാവുക. നോര്ത്ത് അമേരിക്കയില് മെക്സിക്കോയിലെ പസഫിക് തീരത്താണ് സമ്പൂര്ണ സൂര്യഗ്രഹം ആദ്യം കാണാനാവുകയെന്ന് നാസ വ്യക്തമാക്കി. പുലര്ച്ചെ 1.27ന് അമേരിക്കയിലെ ടെക്സസില് ചന്ദ്രന്റെ നിഴല് വടക്കുകിഴക്കന് ഭാഗത്തേക്ക് നീങ്ങുന്നത് കാണാം. ഈ സമയം ഗ്രഹണം അതിന്റെ പൂര്ണതയിലെത്തും. ഒക്ലഹോബ, അര്കന്സാസ്, മിസൗറി, ഇല്ലിനോയിസ്, കെന്റക്കി, ഇന്ത്യാന, ഒഹായോ, പെനിസില്വാനിയ, ന്യൂയോര്ക്ക്, വെര്മോണ്ട്, ന്യൂ ഹാംഷര്, എന്നിവിടങ്ങളില് ഇവ കാണാനാവും. മെയിനിലൂടെയും ഇവ കാണാം. തുടര്ന്നാണ് കനേഡിയന് മേഖലയില് ഇവ ദൃശ്യമാവുക.
0 Comments