നെടുമങ്ങാട്:കിള്ളിയാറ്റിൽ ശക്തമായ മഴയിലും ഒഴുക്കിലും പെട്ട് കഴുത്തിൽ കയറു കെട്ടിയ നിലയിൽ മുങ്ങിത്താണുകൊണ്ടിരുന്ന പോത്തിനെ രക്ഷപ്പെടുത്തി. നെടുമങ്ങാട് മുനിസിപ്പാലിറ്റി പത്താംകല്ല് കിള്ളിയാറ്റിലാണ് ഒഴുക്കിൽപ്പെട്ട് കഴുത്തിൽ കയറു കെട്ടിയ നിലയിൽ പോത്തിനെ കണ്ടത്. ഫയർ ആൻഡ് റെസ്ക്യൂ ടീമാണ് മുങ്ങിത്താണുകൊണ്ടിരുന്ന പോത്തിനെ രക്ഷിച്ച കരക്കെത്തിച്ചത്. സീനിയർ ഫയർ ആൻഡ് റെസ്ക്യൂ ഓഫീസർ ശ്രീരൂപിന്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ രാഹുൽ,അനൂപ്, ഫയർ ആൻഡ് റെസ്ക്യൂ ഓഫീസർ ഡ്രൈവർ സുനീഷ് കുമാർ,ഹോം ഗാർഡ്സ് സതീഷ്, അരവിന്ദ് എസ് കുമാർ എന്നിവർ ചേർന്നാണ് രക്ഷാപ്രവർത്തനം നടത്തിയത്.
അഷ്റഫ് കളത്തിങ്ങൽ പാറ.
0 Comments