പരപ്പനങ്ങാടി :ഗ്യാസ് സിലിണ്ടർ പൊട്ടിത്തെറിച്ച് ഗുരുതരമായി പരിക്കേറ്റ പരപ്പനങ്ങാടി ചെട്ടിപ്പടി സ്വദേശി തറയില് അബ്ദുറഹ്മാൻ (61) ആണ് മരിച്ചത്.
യു എ ഇ യിൽ ഉമ്മുല്ഖുവൈനിലെ താമസയിടത്ത് ദിവസങ്ങള്ക്ക് മുമ്പായിയിരുന്നു അപകടം.
ഗ്യാസ് സിലിണ്ടറില്നിന്നുള്ള പൈപ്പ് എലി കടിച്ചതിനെ തുടർന്ന് ഗ്യാസ് ചോർച്ച സംഭവിച്ചതാണ് ദുരന്തകാരണം.
രാവിലെ അടുക്കളയില് ചായ ഉണ്ടാക്കാൻ പോയതായിരുന്നു. ലൈറ്റിന്റെ സ്വിച്ച് ഓണാക്കിയപ്പോള് പൊട്ടിത്തെറിക്കുകയിരുന്നു.
ശരീരം മുഴുവൻ പൊള്ളലേറ്റ നിലയിലായിരുന്നു. ആദ്യം ഉമ്മുല്ഖുവൈൻ ആശുപത്രിയിലും പിന്നീട് അബൂദബി മഫ്റഖ് ആശുപത്രിയിലുമെത്തിച്ചു.
ദിവസങ്ങളോളം ഗുരുതരാവസ്ഥയിലായിരുന്നു.
27 വർഷമായി പ്രവാസിയാണ് അബ്ദുറഹ്മാൻ.
ഭാര്യ: ആരിഫ. മക്കള്: ഉബൈദ്, മുഹമ്മദ് സിയാദ് (അജ്മാൻ), മുഹമ്മദ് ജുനൈദ് (ഷാർജ), റസാനത്ത്. മരുമക്കള്: സുമയ്യ, ഫസ്ന, നിഹാല, ഖാലിദ്. മയ്യിത്ത് ഇന്നലെ നാട്ടിൽ ഖബറടക്കി
0 Comments