🔹സോളാർ തട്ടിപ്പു കേസിൽ സരിത എസ് നായർ അറസ്റ്റിൽ
തിരുവനന്തപുരം: സോളാർ തട്ടിപ്പു കേസിൽ സരിത എസ് നായർ അറസ്റ്റിൽ. കോഴിക്കോട് പൊലീസാണ് തിരുവനന്തപുരത്ത് നിന്ന് അറസ്റ്റ് ചെയ്തത്. കോടതിയിൽ തുടർച്ചയായി ഹാജരാകാതിരുന്നതാണ് അറസ്റ്റിന് കാരണം.
നേരത്തെ, കേസില്‍ ജാമ്യം റദ്ദാക്കിയ കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി, സരിതയ്ക്കും കൂട്ടുപ്രതി ബിജു രാധാകൃഷ്ണനും എതിരെ അറസ്റ്റ് വാറന്റ് പുറപ്പെടുവിച്ചിരുന്നു.
സോളാര്‍ പാനല്‍ സ്ഥാപിക്കാന്‍ കോഴിക്കോട് സ്വദേശി അബ്ദുള്‍ മജീദില്‍ നിന്ന് 42,70,000 രൂപ സരിതയും ബിജു രാധാകൃഷ്ണനും വാങ്ങി വഞ്ചിച്ചെന്ന കേസിലാണ് അറസ്റ്റ്.
സോളാര്‍ തട്ടിപ്പുമായി ബന്ധപ്പെട്ട് സംസ്ഥാനത്ത് രജിസ്റ്റര്‍ ചെയ്ത ആദ്യ കേസുകളിലൊന്നാണിത്. 2012ല്‍ കോഴിക്കോട് കസബ പൊലീസാണ് കേസ് രജിസ്റ്റര്‍ ചെയ്തത്. അതേസമയം, അസുഖം കാരണമാണ് കോടതിയില്‍ ഹാജരാകാന്‍ കഴിയാതിരുന്നത് എന്നാണ് സരിതയുടെയും ബിജുവിന്റെയും വിശദീകരണം.
1 Comments
ഹിന്ദിയിൽ ഒരു പഴഞ്ചൊല്ലുണ്ട് . "ചോർ ചോരീ സെ ജായെ , പർ ഹേരാ ഫേരീ സെ നഹി " (കള്ളൻ മോഷണം നിറുത്തിയാലും പഴയ മോഷണക്കേസുകൾ കള്ളനെ വെറുതേവിടില്ല എന്നർത്ഥം ). ഇത്തരം കുറ്റവാളിത്താരങ്ങൾക്ക് ഇനി സമാധാനപ്പൂർണ്ണമായൊരു സാധാരണജീവിതം എന്നെങ്കിലും സാധ്യമാവുമോ ?.
ReplyDelete